Курс сипаттамасы

Күміс университет тыңдаушыларына арналған «Психология: денсаулық құпиясы, сұлулық сыры» біліктілікті арттыру курсының оқу бағдарламасы 3 модульді қамтиды: шектеулерді шешу; ой-сана трансформациясы; жаңа болмыс иесі. Алғашқы модуль аясында «Денсаулықты жақсарту негізі – тұтастық қағидасын ұстану: «жан-тән-рух» бірлігі концепциясы», «Сауығудың саналы қадамы – стереотиптерден арылу», «Сана трансформациясы – шектеуші пайымдарды өзгерту» тақырыптары қарастырылады. Екінші модуль «Денсаулықты жақсартудың психологиялық-педагогикалық стратегиялары», «Ой-сананы кеңейтудің психологиялық тәсілдері», «Психологиялық денсаулықты қамтамасыз ету шарттары», «Таза ниет – денсаулық кепілі» тақырыптарын қамтиды. Үшінші модуль шеңберінде «Сұлулық сыры – жағымды көңіл-күйді тұрақтандыру тәсілдері», «Бірегей болмыс иесі: назар қайда – қуат сонда», «Тәңір тектес құбылыс мүмкіндіктері: сенім шапағаты» мәселелері пысықталады.

Тыңдаушыларды психологиялық сауықтырудың міндетті шарттары болып табылатын білу, түсіну, жауапкершілік, еңбектену (үздіксіз жаттығулар) тетіктері негізінде алынған нәтижелерді тұрақтандыру – іскерліктерді бекіту тәсілдерін белсендендіруді қажет етеді. Бұл сауықтыру және жасарту концепциялары сынды курстың негізгі міндеттері мен, сауығу және жасару сынды тыңдаушылардың ізгі мұраттарының сәйкес келуі, сондай-ақ бүкіл үрдістің алғышарты – ниет тазалығы факторларына сүйенеді.